அமித்ஷா போட்ட உத்தரவு…
தமிழகம் வரும் ஸ்பெஷல் டீம்- பீகார் முடிந்தது அடுத்து தமிழ்நாடு தான்…
பீகார் தேர்தல் முடிந்த உடனே தமிழகம் மற்றும் மேற்கு வங்காளம் பக்கம் தன்னுடைய பார்வையை திருப்பி இருக்கிறார், மத்திய உள்துறை அமைச்சர் அமித்ஷா. மேற்கு
வங்கத்தில் ஏற்கனவே எதிர்கட்சியாக இருக்கும் பாஜக இனி வரும் தேர்தலில் மேற்கு வங்கத்தில் ஆட்சியை பிடித்தே தீர வேண்டும் என தீவிரம் காட்டி வருகிறது. அதே போன்று தமிழகத்தில் திமுகவை வீழ்த்தியே ஆக வேண்டும் என்பதில் உறுதியாக இருக்கிறார் அமித்ஷா.
இந்நிலையில் அடுத்து 2026ல் மேற்கு வங்கம் மற்றும் தமிழ்நாடு ஆகிய மாநிலங்களில் தேர்தல் நடைபெற இருக்கும் நிலையில், தமிழகத்திற்கு இனி காலையில் தனி விமானத்தில் வந்து மாலையில் தனி விமானத்தில் திரும்பி செல்வது போன்று இல்லாமல், தமிழகத்தில் 2026 சட்டசபை தேர்தல் முடியும் வரை நிரந்தரமாக தங்க அமித்ஷா முடிவு செய்துள்ளதாக டெல்லி வட்டாரங்கள் தெரிவிக்கின்றன. மேலும் இனி அமித்ஷா நிரந்தரமாக தமிழகத்தில் தங்க இருப்பதால், நட்சத்திர ஓட்டலில் தங்குவதை தவிர்த்து, தமிழகத்தில் தனியாக வீடு எடுத்து தங்க இருப்பதாக தகவல் வெளியாகியுள்ளது.
மேலும் பீகார் தேர்தல் முடிவுகள் வெளியான உடனே, பாஜக டெல்லி தலைமை, தமிழகத்திற்கு என ஒரு ஸ்பெஷல் டீம் ஒன்றை ஏற்பாடு செய்ய அமித்ஷா வலியுறுத்தி இருப்பதாக கூறப்படுகிறது. இந்த ஸ்பெஷல் டீமில் தேசிய அளவில் இருக்கும் பாஜக முக்கிய தலைவர்கள் அடுத்தடுத்து தொடர்ந்து தமிழக்தில் பயணம் மேற்கொள்ள வேண்டும், குறிப்பாக தமிழகத்தை சென்னை , டெல்டா, கொங்கு, மத்திய மண்டலம், வடமாவட்டம் , தென் மாவட்டம் என மண்டலங்களாக பிரித்து ஒவ்வொரு மண்டலத்துக்கு ஒரு பெறுப்பாளராக தேசிய அளவில் பாஜகவில் இருக்கும் முக்கிய தலைவர்களை நியமிக்க அமித்ஷா முடிவு செய்துள்ளதாக தகவல் வெளியாகியுள்ளது.
கடந்த 6 மாதங்களுக்கு முன்பு தமிழகம் வந்த அமித்ஷா அதிமுக – பாஜக கூட்டணியை உறுதி செய்துவிட்டு சென்றார், மேலும் இந்த கூட்டணிக்குள் பல கட்சிகள் உள்ளே வர வேண்டும் என அமித்சா எதிர்பார்த்தார், குறிப்பாக தேமுதிக போன்ற கட்சிகள் உள்ளே வரவேண்டும் , திமுகவுக்கு எதிராக வலுவான கூட்டணியை அமைக்க வேண்டும் என அமித்ஷா எதிர்பார்த்தார். ஆனால் ஏற்கனவே NDA கூட்டணியில் இருந்த TTV தினகரன், ஜான்பாண்டியன், ஓபிஎஸ் போன்றார் NDA கூட்டணியில் இருந்து வெளியேறி இருக்கிறார்கள்.
இந்நிலையில் கூட்டணி விவகாரத்தை நேரடியாக கையாள வேண்டும் என்கிற முடிவுக்கு வந்த அமித்சா, தமிழக்தில் முகாமிட்டு திமுகவுக்கு எதிரான வலுவான கூட்டணியை வரும் ஜனவரி மாதம் இறுதிக்குள் உறுதி செய்யவேண்டும் என திட்டமிட்டு இருப்பதாக தகவல் வெளியாகியுள்ளது. அந்த வகையில் தமிழகத்தில் முகாமிட இருக்கும் அமித்ஸாவின் அரசியல் நகர்வுகள் தினமும் தலைப்பு செய்தியாக இருக்கும் என எதிர்பார்க்க படுகிறது.
அந்த வகையில் தன்னுடைய முழு கவனத்தையும் தமிழகம் மற்றும் மேற்கு வங்கம் பக்கம் திரும்பியுள்ள மத்திய உள்துறை அமைச்சர் அமித்சா இதில் தமிழகத்திற்கு அதிக கவனம் செலுத்த இருப்பதாக தகவல் வெளியாகியுள்ளது.
