அதிமுக இளைஞர் இளம்பெண்கள் பாசறை குமரி கிழக்கு மாவட்ட செயலாளருமான.அக்சயா கண்ணன்
நாகர்கோவில் மாநகராட்சி மாமன்ற அதிமுக உறுப்பினரும், அதிமுக இளைஞர் இளம்பெண்கள் பாசறை குமரி கிழக்கு மாவட்ட செயலாளருமான அக்சயா கண்ணன், தனது முகாம் அலுவலகத்தில் சிறப்பு நிகழ்ச்சி ஒன்றை ஏற்பாடு செய்தார்.
இந்த நிகழ்வில், நாகர்கோவில் மாநகராட்சி 25ஆம் வார்டு பகுதிக்குட்பட்ட தூய்மை பணியாளர்களுக்கு, தனது குடும்பத்தினருடன் சேர்ந்து தீபாவளி வாழ்த்துக்களைத் தெரிவித்தார். மேலும், அவர்களுக்கு இனிப்புகள், பட்டாசுகள், பாத்திர பண்டங்கள் அடங்கிய அன்பளிப்பு பெட்டகங்களும் வழங்கினார்.
அதனைத் தொடர்ந்து, அப்பகுதியில் உள்ள ஆட்டோ ஓட்டுநர்களுக்கும் மாநகராட்சி பணியாளர்களுக்கும் தீபாவளி வாழ்த்துக்களுடன் இனிப்பு வகைகள், பட்டாசுகள், மற்றும் பயன்பாட்டு பொருட்கள் வழங்கி மகிழ்ந்தார்.
அக்சயா கண்ணனின் இந்த செயல் அப்பகுதி மக்களிடையே பெரும் வரவேற்பைப் பெற்றது.
