தீயணைப்பு நிலையத்தில் தீ தடுப்பு நடவடிக்கைகள்
- தீயணைப்பு மற்றும் மீட்பு பணிகள் துறை சார்பில், பொதுமக்களுக்கு தீ பாதுகாப்பு விழிப்புணர்வை ஏற்படுத்தும் வகையில்
- தமிழகம் முழுதும் ‘வருகை தந்து கற்றுகொள்ளுங்கள்’ என்ற தீ தடுப்பு நடவடிக்கைகள் குறித்து, 2 நாள் பயிற்சி நடந்து வருகிறது.
- இதன் பகுதியாக கன்னியாக்குமரி மாவட்டம்: தக்கலை – புலியூர்குறிச்சியில் அமைந்துள்ள தீயணைப்பு நிலையத்தில் அக்டோபர் 11 மற்றும் 12 ஆகிய இரண்டு நாள் விழிப்புணர்வு பயிற்சி நடைப்பெற்றது.
- இறுதி நாளான இன்று (12.10.2025) மாலை 4 மணியளவில், மாவட்ட அலுவலர் சத்தியகுமார் உத்திரவின் பெயரில், நிலைய அலுவலர் ஜீவன்ஸ் அவர்கள் தலைமையில், நிலைய பணியாளர்கள் பயிற்சி வகுப்பு நடத்தினர்.
- மேலும், விழிப்புணர்வு நிகழ்ச்சியில் தீயணைப்பு கருவிகள் மாணவர்களின் பார்வைக்கு வைக்கப்பட்டு,
- ஆபத்தான நேரங்களில், தீ விபத்திலிருந்து தங்களை எப்படி தற்காத்து கொண்டு, தப்பித்து கொள்ள வேண்டும்,
- தீயணைப்பு கருவிகளை எப்படி பயன்படுத்த வேண்டும் போன்ற அத்தியாவசிய தீ பாதுகாப்பு நடைமுறைகள் கற்று கொடுக்கப்பட்டது.
- பள்ளி மாணவ/ மாணவர்கள், பெற்றோர்கள் கலந்து கொண்ட இந்த நிகழ்ச்சியின் இறுதியில், பள்ளி குழந்தைகளுக்கு நிலைய அலுவலர் பரிசுகள் கொடுத்து சிறப்பித்தார்.
